पेट्रोल पंपांवर ‘या’ गाड्यांना नाही मिळणार पेट्रोल आणि डिझेल, 1 जुलैपासून निर्णय लागू...

पेट्रोल पंपांवर ‘या’ गाड्यांना नाही मिळणार पेट्रोल आणि डिझेल, 1 जुलैपासून निर्णय लागू...

DIESEL PETROL BAN NEW RULE APPLY ON 1ST JULY : 1 जुलै 2025 पासून पेट्रोल पंपांवर इंधन देण्यावर बंदी लागू होणार. जाणून घ्या नियम, प्रभाव आणि कारवाईचे तपशील आणि कोणत्या क्षेत्रात हा नियम लागू होणार आहे.

DIESEL PETROL BAN NEW RULE APPLY ON 1ST JULY : 

वायुप्रदूषणावर नियंत्रण आणण्यासाठी एक मोठा निर्णय घेण्यात आला आहे. आता एक ठराविक कालावधी ओलांडलेल्या जुन्या गाड्यांना पेट्रोल पंपावर इंधन मिळणार नाही. या निर्णयामुळे लाखो वाहनधारकांना परिणाम भोगावा लागू शकतो. सीएक्यूएम (Commission for Air Quality Management) ने जाहीर केलं आहे की, दिल्ली आणि एनसीआर परिसरात 1 जुलै 2025 पासून या नव्या नियमांची अंमलबजावणी टप्प्याटप्प्याने केली जाईल.

कोणत्या गाड्यांवर परिणाम होणार?

“End of Life” (EoL) म्हणजे :

इंधन प्रकार कमाल वापर कालावधी

डिझेल 10 वर्ष

पेट्रोल 15 वर्ष.

जे वाहन या कालावधीपलीकडे गेले आहेत, त्यांना EoL म्हणून नोंदवलं जातं आणि त्यांना पेट्रोल पंपावर इंधन दिलं जाणार नाही. ANPR (Automatic Number Plate Recognition) कॅमेऱ्यांच्या मदतीने ही ओळख केली जाईल.

कुठून सुरू होणार नियम?

लागू होण्याची तारीख ठिकाण

1 जुलै 2025 दिल्ली

1 नोव्हेंबर 2025 गुरुग्राम, फरीदाबाद, गाझियाबाद, गौतम बुद्ध नगर, सोनीपत

1 एप्रिल 2026 उर्वरित NCR परिसर.

ट्रॅकिंग कशी होणार?

सीएक्यूएम सदस्य डॉ. वीरेंद्र शर्मा यांनी माहिती दिली की, दिल्लीतील सुमारे 500 पेट्रोल पंपांवर ANPR कॅमेरे बसवले गेले आहेत. या कॅमेऱ्यांच्या मदतीने रिअल टाइममध्ये वाहनांची तपासणी केली जाते. आतापर्यंत 3.63 कोटींपेक्षा अधिक वाहनांची माहिती तपासली गेली असून, त्यात 4.90 लाख गाड्या EoL म्हणून नोंदवल्या गेल्या आहेत.

नियम पाळण्यासाठी काय पावले उचलली?

दिल्ली परिवहन विभागाने यासाठी 100 विशेष मॉनिटरिंग टीम्स नेमल्या आहेत. 

या टीम्स :

ANPR डेटावर नजर ठेवतील, 

नियम तोडणाऱ्या गाड्यांची माहिती मिळवतील,

त्या पेट्रोल पंपांची नोंद करतील, जिथे नियमांचे उल्लंघन जास्त प्रमाणात होते.

कठोर कारवाई सुनिश्चित करतील.

का घेतला गेला निर्णय?

दिल्ली आणि एनसीआरची हवा अधिक प्रदूषित होत आहे आणि यामध्ये जुनी वाहने मोठं योगदान देत आहेत. त्यामुळे BS स्टँडर्ड आधारे अशा गाड्यांना हळूहळू रस्त्यावरून हटवण्याचा निर्णय घेतला गेला आहे.

आता डिजिटल आणि पारदर्शक प्रणाली लागू केली गेली असून, यामुळे वाहन मालकांना वेळेत कल्पना मिळेल आणि चुकीचे वाहन पेट्रोल पंपावर पोहोचल्यास इंधन नाकारले जाईल.

नियम मोडल्यास काय होईल?

ANPR कॅमेरा वाहनाची नंबर प्लेट स्कॅन करतो आणि ती ‘VAHAN’ डेटाबेसशी जुळवतो. जर गाडी निर्धारित कालावधी ओलांडलेली असेल, तर ती EoL म्हणून नोंदली जाते. अशा वाहनांना इंधन न देण्याबाबत पेट्रोल पंपाला चेतावणी दिली जाते.

नियम मोडल्यास :

त्या गाडीची माहिती एजन्सीजकडे पाठवली जाते.

गाडी जप्त होऊ शकते.

स्क्रॅपिंगची प्रक्रिया सुरू होऊ शकते.

डिस्क्लेमर :

या लेखातील सर्व माहिती सरकारी सूचनांवर आधारित आहे. नियमांमध्ये वेळोवेळी बदल होऊ शकतात. कृपया अधिकृत संकेतस्थळावरून अपडेट घेत राहा.