👉खमंग बटाटा वडा - अगदी हॉटेलच्या चवीलाही लाजवेल...

 👉खमंग बटाटा वडा - अगदी हॉटेलच्या चवीलाही लाजवेल...

जर तुम्हाला बाहेरचं खाणं टाळायचं असेल आणि तरीही हॉटेलसारखा चविष्ट बटाटा वडा घरीच बनवायचा असेल, तर ही सोपी आणि १००% परफेक्ट रेसिपी तुमच्यासाठीच आहे.घरात सहज उपलब्ध असलेल्या साहित्याने तुम्ही अगदी कमी वेळात बनवू शकता हा कुरकुरीत आणि झणझणीत वडा.

चहा बरोबर गरमागरम बटाटा वडा खाण्याचा आनंद काही वेगळाच असतो.मग पावासाचा दिवस असो की खास पाहुणे घरी आले असोत, ही रेसिपी कधीही तुम्हाला कमी पडणार नाही.

👉आवश्यक साहित्य :

👉वड्यासाठी बटाट्याचं सारण :

४ मध्यम आकाराचे बटाटे (उकडून सोलून मॅश केलेले)

१/२ टीस्पून हळद

१/२ टीस्पून मोहरी

८-१० कढीपत्ता

१/२ टीस्पून हिंग

२ चमचे तेल

१ चमचा आले-लसूण-हिरव्या मिरच्यांची पेस्ट

चवीनुसार मीठ

थोडीशी कोथिंबीर (बारीक चिरलेली)

१/२ लिंबाचा रस.

👉 पिठासाठी :

१ कप बेसन

१/४ टीस्पून हळद

१/२ टीस्पून लाल तिखट

चवीनुसार मीठ

थोडंसं इनो किंवा चिमूटभर सोडा (वडे फुलण्यासाठी)

पाणी (पीठ भिजवण्यासाठी)

तळण्यासाठी तेल.

👉कृती :

👉 स्टेप १ : बटाट्याचं सारण तयार करा

1. एका कढईत तेल गरम करा. त्यात मोहरी घालून फोडणी द्या.

2. त्यात कढीपत्ता, हिंग आणि आले-लसूण-हिरव्या मिरच्यांची पेस्ट टाका.

3. हे थोडं परतून झाल्यावर हळद, मीठ टाका आणि नंतर मॅश केलेले बटाटे टाका.

4. सर्व चांगलं मिक्स करून थोडा वेळ परतवा.

5. शेवटी लिंबाचा रस आणि कोथिंबीर टाकून गॅस बंद करा. थंड झाल्यावर छोटे गोळे तयार करा.

👉 स्टेप २ : पीठ तयार करा

1. एका भांड्यात बेसन, हळद, लाल तिखट, मीठ आणि इनो/सोडा टाका.

2. पाणी घालून मध्यमसर पीठ भिजवा. (जास्त पातळ किंवा जास्त घट्ट नको.)

3. पिठाला ५ मिनिटं झाकून ठेवा.

👉 स्टेप ३ : वडे तळा

1. एका कढईत तेल गरम करा.

2. तयार बटाट्याचे गोळे बेसनाच्या पिठात बुडवून गरम तेलात तळा.

3. मध्यम आचेवर कुरकुरीत आणि सोनेरी रंग येईपर्यंत तळून घ्या.

👉सर्व्हिंग टिप :

गरमागरम वडा पाव सोबत सुकं लसूण चटणी, ताजं बटर किंवा हिरव्या चटणीसह सर्व्ह करा. त्यावर एखादी हिरवी मिरची आणि चहा असेल, तर मग आनंद दुगुणा होतो!

👉खास टिप :

जर तुम्हाला वडे अजूनही कुरकुरीत हवे असतील, तर पिठात थोडंसं तांदळाचं पीठ मिसळू शकता.

तळताना तेल खूप गरम नको, मध्यम आच ठेवा म्हणजे वडे व्यवस्थित शिजतात.

➖➖➖➖➖➖➖➖➖➖➖➖➖