👉गव्हाच्या पिठातून बनवा मऊसर गुलाबजाम. तेही फक्त १ कप पिठातून २० ते २२ गुलाबजाम...

 👉गव्हाच्या पिठातून बनवा मऊसर गुलाबजाम. तेही फक्त १ कप पिठातून २० ते २२ गुलाबजाम...

👉लागणारे साहित्य :

1️⃣ गुलाबजामसाठी :

गव्हाचं पीठ – १ कप (150 ग्रॅम)

गूळ किंवा साखर – २ टेबलस्पून (आवडीनुसार)

साजूक तूप – १ टेबलस्पून (मोहनासाठी)

दही – ३ टेबलस्पून

बेकिंग पावडर – ¼ टीस्पून (ऐच्छिक, पण सॉफ्टनेससाठी उपयोगी)

दूध – अंदाजे ५-६ टेबलस्पून (मिश्रण भिजवण्यासाठी)

वेलची पूड – ¼ टीस्पून

तळण्यासाठी तेल किंवा तूप.

2️⃣ पाकासाठी :

साखर – १ कप

पाणी – १ कप

वेलची पूड – ¼ टीस्पून

केशर (ऐच्छिक).

👉कृती :

१. गुलाबजामचे पीठ तयार करणे :

1. एका परातीत गव्हाचं पीठ, वेलची पूड, गूळ/साखर (पावडर करून), साजूक तूप आणि बेकिंग पावडर घाला.

2. त्यात दही टाका आणि मिश्रण हलकंफुलकं मिक्स करा.

3. आता थोडं थोडं दूध घालून मऊसर पण घट्टसर गोळा मळून घ्या.(खूप घट्ट किंवा खूप सैल होऊ नये)

4. गोळा झाकून १०-१५ मिनिटे बाजूला ठेवा.

२. पाक तयार करणे :

1. एका पातेल्यात १ कप साखर व १ कप पाणी घेऊन मध्यम आचेवर उकळा.

2. साखर पूर्ण विरघळली की त्यात वेलची पूड व केशर घाला.

3. पाक साधारण एकतारी झाला की गॅस बंद करा.

3. गुलाबजाम तळणे :

1. तयार पीठाचे छोटे छोटे गोळे बनवा. (भेगा न पडता गुळगुळीत हवेत)

2. कढईत तेल किंवा तूप गरम करा. मध्यम आचेवर गुलाबजाम तळा.

3. ते सर्व बाजूंनी सोनेरी रंगाचे व हलके कुरकुरीत झाले की बाहेर काढा.

४. पाकात भिजवणे :

1. गरम गुलाबजाम लगेचच तयार गरम पाकात टाका.

2. कमीत कमी १ तास ते पाकात भिजू द्या, म्हणजे चांगले रसभरित आणि सॉफ्ट होतात.

👉टीप्स :

पीठ जास्त वेळ भिजवू नका, नाहीतर गुलाबजाम हार्ड होतील.

गरम गुलाबजामच गरम पाकात टाका. त्यामुळे पाक नीट आत शोषला जातो.

पाक एकतारी पेक्षा थोडा हलकासा असला तरी चालेल. खूप जाडसर नको.

➖➖➖➖➖➖➖➖➖➖➖➖➖